Istripu-protokoloa (federatuentzat)
Aseguruan sartutako istripuak
Aseguratuak jasandako kolpe traumatikoen ondoriozkoak, istripu bortitz, bat-bateko, kanpoko eta aseguratuaren nahiarekin zerikusirik ez duen istripu batean sortuak.
Ohar Garrantzitsua: 2024ko denboraldian gertatutako istripuak SURNE enpresak artatzen jarraituko du eta GEROSALUD-ek kudeatuko ditu.
Federazioarekin harremanetan jar zaitezkete edozein zalantza argitzeko.
KIROL EDO AISIALDI ISTRIPU KASUETAN JARDUTEKO ARAUAK
Premiazko laguntza
PREMIAZKO lehen laguntza izanez gero, kirol istripua Nafarroan gertatu bada, federatua Gizarte Segurantzaren edozein larrialdi zentrotara joan ahal izango da, federazio honek Osasunbidearekin duen hitzarmena erabiliz.
Ondoren, MUTUACAT-en zerbitzuarekin harremanetan jarri beharko da 937 052 607 telefonoaren bidez, jarraipena itunpeko zentro batera bideratzeko eta adierazten dioten protokoloa jarraitzeko.
Lesionatua bere autonomia-erkidegotik kanpo badago, MUTUACATekin harremanetan jarriko da 937 052 607 telefonoaren bitartez larrialdi-zentroa esleitzeko.
Federatuak, bere kabuz edo osasun-garraio bidez (lesio motak hala eskatzen badu bakarrik), larrialdietara joateko adierazten dioten itunpeko zentrora joan behar du.
MUTUACATekin jarduteko protokoloa
Polizak bermatutako mediku-laguntza MUTUACATek hitzartutako mediku-zentroek edo medikuek emango dute. Zerrenda kontsultatu dezakezu https://www.mutuacat.cat/ webguneko aisialdi, kirol eta denbora libreko gida medikoan (txartel beltza).
Iruñeko Larrialdi Zentroak:
- San Miguel Klinika.
- Nafarroako Klinika Unibertsitarioa.
- San Fermín Klinika.
1. Mutuari istripuaren berri ematea gertatu eta berehala, telefono-zenbaki honetara deituz: 937 052 607, eguneko 24 orduetan.
Telefono bidezko komunikazioan eman beharreko informazioa:
- Lesionatuaren datu pertsonalak.
- Bere taldearen edo kirol entitatearen datuak.
- Istripua noiz eta nola gertatu den.
- Kalte fisikoak.
2. Istripuaren jakinarazpena bete: Dagokion erakundearen arduradunak eta lesionatuak sinatu eta/edo zigilatu behar dute.
Istripuaren partea ahalik eta lasterren bidali beharko da, gehienez ere bost egun baino lehen, helbide elektroniko honetara: mutuacataccidentes@hna.es.
3. Lesionatuak berehalako mediku-laguntza behar badu, larrialdietako osasun-zentro itundu batera (Mutuacaten webguneko zerrendan agertzen den batera) edo harremanetarako telefonoan adierazitako batera joan daiteke, istripuaren jakinarazpena behar bezala beteta aurkeztuta.
Berehalako laguntza medikorik behar ez badu, espezialistarekin lehen bisita egiteko baimena eskatu behar du.
Anbulantzian egindako lekualdatzeak ospitaleratzea beharrezkoa denean edo berariaz kontratatu denean bakarrik izango du estaldura.
4. BIZI-URGENTZIA dagoenean, lesionatuak bizi-urgentziako asistentzia medikoa jaso ahal izango du osasun-zentro hurbilenera, nahiz eta itunduta ez egon. MUTUACATek bere gain hartuko ditu larrialdi-laguntzaren fakturak, istripua gertatu eta hurrengo 48 orduetan gehienez ere. Larrialdiko lehen laguntza gainditu ondoren, lesionatua itundutako osasun-zentro batera eraman beharko dute tratamenduarekin jarraitzeko.
MUTUACATEK EZ DU BERE GAIN HARTUKO ITUNDU GABEKO ZENTRO BATEAN EGOTEKO GASTUEN ORDAINKETA, BALDIN ETA BERARIAZ ETA IDATZIZ BAIMENDU EZ BADU.
Mutuaaren aldez aurreko baimena behar da lesioaren segimendua egiteko bisita, proba, errehabilitazio, ebakuntza, tratamendu eta/edo edozein ekintza mediko egiteko, larrialdiak izan ezik.
Ondoren, proben emaitzari buruzko txostena eta pazientearen lesioaren bilakaerari buruzko ondoz ondoko txosten medikoak bidali beharko zaizkio MUTUACATi.Mutuacaten aldez aurreko baimenik gabe egindako edozein proba diagnostiko, ekintza terapeutiko edo ebaketa aseguratuaren kontura izango da. Gauza bera aplikatzen da Mutuacat-ek itundu gabeko zentro edo profesionalek egindako edozein preskripzio edo egintza medikotan.
Lesionatuak gomendatutako jarraibide medikoak bete behar ditu osatze-prozesuan. Bestela, Mutuacatek ez du bere gain hartuko balizko kirol istripu berri baten arreta medikoa, ezta haren jarraipena ere.
Beste gai interesgarri batzuk
- Estaldura:Aseguruaren xedea da aseguratuek kirol-jardunean jasandako gorputz-lesio arriskutsuak estaltzea, ekainaren 4ko 849/1993 Errege Dekretuan aurreikusitako moduan. Beraz, lizentziaren asegurua istripu-asegurua da, EZ lesio-asegurua. Tendinitisa, kontrakturak, tenista-ukondoa, etab. EZ dira polizak estaltzen.
- Espedientea itxi egingo da, eta, beraz, ez da jarraituko tratamenduarekin, baldin eta KIROL-BAJA MEDIKOAN federatuak kirol-jarduerarik egiten badu, eta estaldurarik gabe geratuko dira gerora gerta litezkeen istripuak, baldin eta aurreko istripu batengatik alta medikoan egon gabe gertatzen badira.
-
Nafarroako Txirrindularitza Federazioak hitzarmen bat du Osasunbidearekin, eta, horren arabera, istripurik gertatuz gero, TXIRRINDULARITZA federatuek lehen laguntza estalita dute, Nafarroako edozein Gizarte Segurantzako zentrotan, federatuari kalte ekonomikorik eragin gabe.
Arreta emateko unean, federatuak bere burua identifikatu beharko du federatu-txartelarekin, eta ez da beharrezkoa izango Osasunbideako istripu-agiririk ematea.
Jarraipen medikoa behar izanez gero, MUTUACATi jakinarazi behar zaio, goian adierazitako protokoloei jarraituz, eta dagokion dokumentazioa edo informazio medikoa eman behar da.
- Polizak ez ditu estaliko Gizarte Segurantzako zentroetan edo itundu gabeko zentro medikoetan ematen diren laguntza medikoak, bizi-larrialdietan izan ezik.
- Jarduketa-protokolo zehatzari jarraitzen ez bazaio, konpainiak ez du bere gain hartuko bertaratzearen kostua, eta kostu hori federatuak berak ordaindu beharko du.
Protokolo osoa PDF formatuan
Protokolo osoa deskarga dezakezu PDF formatuan:
