LIZENTZIA BIRTUALERAKO sarbidea

Telelana egiten ari gara alarma-egoera amaitu arte. Hori dela eta, ezin dira eskuratu federazioan dauden lizentzia fisikoak, konfinamenduaren aurretik eskatu zirenak, ezta azkenaldian izapidetu diren lizentzia berriak ere.

Txartel fisikoak jaso edo bidali ahal izango dira bulegora itzultzean, alarma-egoera amaitu ondoren.

Gauzak horrela, federatuek aukera dute lizentzia birtuala eskuratzeko, aurten ezarritako berritasuna baita eta lizentzia fisikoaren balio bera du.

*      Federatua plataforman pertsonalki erregistratuta badago eta berak eskatu badu federazio-lizentzia:

Plataforman alta eman beharko du, erabiltzaile bat erregistratuz email batekin eta pasahitz batekin. Pasahitz hori eremu pribatuan sartu nahi den bakoitzean erabiliko da.

NIRE LIZENTZIAK atalean, azken urteetan izapidetutako lizentzia guztiak agertuko dira.

LIZENTZIA BIRTUALA txartel formako ikono bat da, denboraldi honetako lizentziaren ondoan agertzen dena (lizentzia baliozkotuta dagoenean bakarrik agertzen da).

* Federatua erregistratuta ez badago eta lizentzia klub baten bidez eskatu bazen.

Plataforman alta eman beharko da, erabiltzaile bat erregistratuz email batekin eta pasahitz batekin. Pasahitz hori eremu pribatuan sartu nahi den bakoitzean erabiliko da.

Plataforman alta eman ondoren, erregistratuta geratuko da, eta urtero gune pribatu horretan sartu beharko da (helbide elektroniko eta pasahitz berean), eta klubari baimena eman beharko da denboraldiko lizentzia izapidetzeko.

Albiste honi erantsitako "erabiltzaile baliozkotua" PDFan, jarraitu beharreko urratsak daude.

Urrats horiek behar bezala egiten direnean, jakinarazpen bat iristen da, kontua bat-egiteko, eta ekintza HORRETATIK AURRERA, interesdunari eremu pribatuan agertuko zaizkio izan dituen lizentzia guztiak (NIRE LIZENTZIAK atalean).

Denboraldi honetako lizentziaren aurrean txartel bat bezalako ikono bat dago, klikatzean LIZENTZIA BIRTUALA agertzen da.

Bat-egitea ez da automatikoa; eskaerak banan-banan berrikusten dira.