2022ko NKJetako Kadete Mailako Errepideko proben izen ematea

Martxoaren 26an, Tafallan, KADETE MAILAKO ERREPIDEKO denboraldia hasiko da Nafarroan. Kadete kategoriako errepideko proba guztiak Nafarroako Kirol Jokoetan puntuagarriak izango dira.

NKJen programan izena eman ahal izango dute ikasturtean zehar 15 eta 16 urte betetzen dituzten eta Nafarroan eskolatuak diren edo Nafarroan bizi diren kirolari guztiek.

• NAFARROAKO KIROL JOKOETAN puntuatu ahal izateko, ezinbestekoa da denboraldiko lizentzia duen klub federatu baten bidez izena emana izatea (bai kirolariak lizentzia badu, bai bestela).

• Interesdunek izena ematen duen klubari 7€ ordainduko dizkiote pertsona bakoitzeko. Kuota honen bidez, kadete kategoriako errepide modalitatean egiten diren NKJen proba puntuagarri guztietan parte hartuko du lasterkariak.

• FEDERAZIOAN izena emateko azken eguna eta ordua OSTEGUNA PROBA BAINO LEHENAGOKOA da, 13:00etan. Ostegun hori jaieguna bada, azken eguna jaieguna baino bi egun lehenago izango da, federazioak beste egun bat proposatzen ez badu behintzat.

Egun horretatik aurrera jasotzen diren inskripzioek hurrengo probarako balioko dute, ez hurbilen dagoenerako.

• KIROL JOKOETAN izena ematen den egunetik aurrera hasiko da puntuatzen.

Federazio-lizentziarik EZ DUTEN lasterkariek izena ematean jakinarazi beharko dute gizarte-segurantzako osasun-erregimenekoak edo araubide pribatukoak diren (MUFACE, etab.), aseguru hori izan dadin txirrindulari horien osasun-laguntzaren ardura hartuko duena, 2021/2022ko XXXV. NKJen araubidean azaltzen den bezala.

Oharra: IZENA EMATEN EZ DUTEN Nafarroako lizentziadun lasterkariek probetan parte har dezakete, baina ez dira NKJen sailkapenetan agertuko.

Neska-mutil bat inskribatu nahi duzuen klubek izena emateko orria bidali behar duzue, datuak e-mailez federaziora (admon@fnciclismo.es).

Ez da onartuko telefonoz egindako izen ematerik.

Urtean zehar, Nafarroako Kirol Jokoei buruzko informazioa (araudia, izen-emate eguneratuak, proba puntuagarrien arrastea...) aurki dezakezue gure web orriko “KIROL JOKOAK” menuan: http://www.fnciclismo.es/es/juegos/

NKJen araudi orokorraren arabera, klubek, inskripzioak baliozkoak izan daitezen, aldez aurretik federaziora bidali beharko dute ondorengoa posta elektronikoz:

• Sexu-delituen ziurtagiri negatiboa izatearen erantzukizuneko aitorpena (klubarena)
• Erantsia – KLUBAko COVID ARDURADUNA

Nahikoa da dokumentazio hori behin bidaltzea, eta klubari balioko dio kirolaria federazio honetan NKJen edozein modalitatetan inskribatzeko.